Haravugwa byinshi mu igura n’igurisha ry’abakinnyi k’umugabane w’iburayi.

Facebook
Twitter
LinkedIn
WhatsApp

Nyuma y’aho Arsenal iguriye umudage Kai Havertz wari umusatirizi wa Chelsea, kandi ikaba yamaze kwemera amasezerano ya miliyoni 105 z’amapawundi kuri Declan Rice wa West HamTottenham nayo itegereje umwongereza James Maddison usanzwe ukina hagati muri Leicester City. Ni mu gihe uwitwa Edouard Mendy usanzwe ufatira Chelsea kurubu ari kubarizwa muri Al-Ahli yo muri Arabia Saoudite.

Bayern Munich nayo yiteguye gutanga miliyoni 80 z’amapawundi kugira ngo irebe ko yakwegukana  umusatirizi wa Tottenham umwongereza Harry Kane w’imyaka 29, ni nyuma y’aho iyi kipe yo mu mujyi wa London yanze gufata miliyoni 60.2 z’amapawundi yari yatanzwe mbere. (Sun)

Umwongereza ukina hagati Declan Rice w’imyaka 24, yahawe uruhusha rwo gukorerwa ibizamini  byo  kwa muganga mu ikipe ya  Arsenal mu gihe ibiganiro bigikomeje na West Ham kugira bumvikane ku masezerano ya miliyoni 105 z’amapawundi. (Talksport)

Umutoza wa West Ham David Moyes arimo arashaka umukinnyi wo hagati wa Everton Umubirigi Amadou Onana w’imyaka 21, umukinnyi wo hagati wa Juventus Umuswisi Denis Zakaria w’imyaka 26, hamwe n’umukinnyi w’inyuma wa Manchester United Umwongereza Harry Maguire w’imyaka 28. (Mirror)

Man Utd yo yiteguye  kwegera Brighton ku mugaragaro kugira iyisabe umukinnyi wo hagati wayo, umunya-Equateur Moises Caicedo w’imyaka 21, nyuma y’umubonano wa mbere wabaye muri iki cyumweru. (Sky Sports)

Aba ba- Red Devils bategekanya kandi kuganira na Chelsea muri iki cyumweru kugira ngo barangize gahunda y’umukinyi wo hagati, umwongereza Mason Mount w’imyaka 24. (Telegraph)

Aston Villa iri imbere mu rugamba rwo kwegukana umukinnyi w’inyuma wa Villareal umunya-Espagne Pau Torres w’imyaka 26 mu gihe agiye kwinjira mu mwaka wa nyuma w’amasezerano ye. (Express)

Umukinnyi wo hagati wa Celta Vigo umunya-Espagne Gabri Veiga w’imyaka 21, uri ku giciro cya miliyoni 40 z’ama-euro akomeje kwirukankwaho  na Manchester City, mu gihe Liverpool na Chelsea nazo zimuhanzeho amaso bikomeye. (Fabrizio Romano)

Liverpool yabonanye n’abahagarariye umukinyi wo hagati wa RB Leipzig umunya-Hongrie Dominik Szoboszlai w’imyaka 22 usanzwe ari ku giciro cya miliyoni 70 z’ama-euro. (Athletic)

Umutoza w’aba-Blues Mauricio Pochettino yiteguye kwakira ibyifuzo by’amakipe yakenera  kizigenza Cesar Azpilicueta w’imyaka 33, ni mugihe ikipe Inter Milan yatangaje ko  yifuza kuzamukoresha. (The Sun)

Umukinyi ukiri muto wa Santos Angelo w’imyaka 18, uherutse guhamagarwa mu kipe ya Brezili mu batarengeje imyaka 20, ari kwinjira  muri Chelsea ku miliyoni 15 z’ama-euro inyuma y’aho Barcelona ikuriyemo akarenge. (GOAL)

Umuyobozi wa Benfica Rui Costa aravuga ko Man Utd yiteguye gutanga imiliyoni 80 z’ama-euro ku musatirizi wayo umunya-Portugal Goncalo Ramos w’imyaka 22. (Correio da Manha, iciye kuri FourFourTwo)

Chelsea irifuza kurekura umwongereza Callum Hudson-Odoi w’imyaka 22 ukina ku ruhande, ku giciro cya miliyoni 15 z’amapawundi, kandi Nottingham Forest iramwifuza bikomeye. (Nottingham Post)

Facebook
Twitter
LinkedIn
WhatsApp

Leave a Comment

Your email address will not be published. Required fields are marked *

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore