Niger: Abahiritse ubutegetsi bamaganiye kure intumwa za CEDEAO

Facebook
Twitter
LinkedIn
WhatsApp

Abakuru b’agatsiko ka gisirikare kahiritse ubutegetsi muri Niger, bavuga ko badashobora kwemera uruzinduko rwo ku rwego rwo hejuru rw’abadiplomate bo mu muryango w’ubukungu w’ibihugu byo muri Afurika y’uburengerazuba (CEDEAO), kuko hari ibyago ku mutekano w’abo bashyitsi.

BBC yanditse ko Intumwa zo muri CEDEAO, umuryango w’Ubumwe bw’Afurika (AU) n’umuryango w’abibumbye (ONU) zari zitezwe kwerekeza muri Niger mu ndege kuri uyu wa Kabiri tariki 8 Kanama 2023.

Ariko abakuru b’agatsiko kahiritse ubutegetsi muri icyo gihugu, babwiye CEDEAO ko ibihano uwo muryango wafatiye Niger n’inkeke yo kugabwaho igitero n’uyu muryango byateje uburakari mu baturage, ko rero izo ntumwa zidashobora kwakirwa mu ituze no mu mutekano.

Bongeyeho ko imipaka ya Niger yo ku butaka no mu kirere ifunze.

Amakuru ava mu murwa mukuru Niamey wa Niger avuga ko abantu benshi bakiriye neza iryo hirikwa ry’ubutegetsi bavuga ko ari impinduka nziza, nubwo Perezida wahiritswe, Mohamed Bazoum, yari yatowe mu buryo bunyuze muri demokarasi.

Leta Zunze Ubumwe za Amerika, yaburiye ko hari ibyago bikomeye  ko itsinda rya Wagner ry’abacanshuro b’Abarusiya, rizafatirana uko ibintu bimeze ubu muri Niger, rikabyungukiramo.

FILE PHOTO: Members of a military council that staged a coup in Niger attend a rally at a stadium in Niamey, Niger, August 6, 2023. REUTERS/Mahamadou Hamidou/File Photo
Facebook
Twitter
LinkedIn
WhatsApp

Leave a Comment

Your email address will not be published. Required fields are marked *

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore