Ingabo za SADAC zatangiye kurasa kuri M23

Facebook
Twitter
LinkedIn
WhatsApp

Ingabo zibumbiye mu muryango w’ubukungu w’ibihugu byo mu majyepfo y’Afurika SADC zatangiye kurwana mu buryo bweruye n’umutwe w’inyeshyamba wa M23, nkuko byatangajwe n’ubuyobozi wuyu mutwe.

Bertrand Bisimwa ukuriye ishami rya politike cya M23 yatangaje kuri X -yahoze ari Twitter – ko guhera ejo [ku cyumweru] ingabo za SADC (Southern African Development Community) zatangiye gufatanya n’ingabo za leta ya Repubulika Iharanira Demukarasi ya Kongo hamwe n’imitwe yindi izifasha yari isanzwe ikorana nazo. Bisimwa yanditse ati: “kuva ejo ubwo bufatanye bushya bwakoresheje intwaro za muzinga ziremereye, indege z’intambara, drones, n’ibifaru mu kurasa buhumyi ibice bya Karuba, Mushaki, no hafi yaho”.

Bisimwa avuga ko ibyo bitero byagize ingaruka zikomeye ku basivile. SADC cyangwa ingabo za DRC Congo ntacyo baratangaza ku kwinjira mu mirwano kw’umutwe w’ingabo za SADC cyangwa ku basivile M23 ivuga ko barimo kwicwa muri ibi bitero aho igenzura.

Ingabo za SADC ziri muri DRC zoherejwe mu butumwa bwo kurwanya M23 zavuye mu bihugu bya Africa y’Epfo, Malawi, na Tanzania, zikaba zimaze iminsi zisunganya ngo zibone kurwana nuyu mutwe. Izi ngabo zitezeweho n’abategetse bo muri DRC, guhangara uyu mutwe wa M23, ukomeje guhangana mu buryo bukomeye n’ingabo za leta DRC nabari kuyifasha.

Facebook
Twitter
LinkedIn
WhatsApp

Leave a Comment

Your email address will not be published. Required fields are marked *

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore